Deventé cumëmbra o cumëmber
Deventé cumëmber ie saurì, ma a vester cumëmbra an da patì?
Nëus dijon: Deventé cumëmber ne n’ie nia rie, y vester cumëmbra ie mo plu saurì.
Ne fej nia rima? Chël nes desplej, ma l lëur de fé rimes ti lascions a nosc cumëmbri!
Unfat sce Te
• ies al scumenciamënt de Ti scrì o bele n’autora o n autor „bestseller“
• ies sculea o n pension
• scrijes poejies, stories curtes o romans
• fejes traduzions o „poetry slam“
• ies de rujeneda taliana, tudëscia, ladina o de n’autra rujeneda dl’oma:
Nëus nes ncunferton sce Te fejes pea coche #saavmember! La cossa de mpurtanza ie Ti nteres per l scrì y per duta la formes y duc i jëndri letereres. Y sambën sce Te es mo leprò ueia de Te ancunté cun d’autra y d’autri autores. Chisc ie i fins de nosta lia da passa 40 ani incà.
Fé pea pra #saavlife?
La senteda generela ie for d’ansciuda y l vën uni ann tëut su cumëmbri nueves. Per fé dumanda iel da mandé ite:
• Dumanda formela che stlarësc nce l liam cun Südtirol
• Na proa de test (nia plu che na plata Din A4)
• Na bio- y bibliografia curta
Do la senteda generela vënies cuntateda/cuntatà da nëus – pona giapes riesc nce la prima Newsletter, posses paië ite l cuntribut anuel de 30 euro y fé pea ativamënter pra #saavlife.
