N liber sun giac? Mo n liber sun giac?
Do la stories di giac cunesciui Murr de
E. T. A. Hoffmann y Matou de Michael
Köhlmeier? Sci, ajache chisc giac nes
dij la urità n cont dla persona.
La surans Tita y Grija capitea te na
ciasota cun de plu giac ntëur ite. La
gerarchies dl pudëi felin - y uman - ie
tosc tleres y l n suzed d’uni sort danter
parturì y murì.
La ntraunides dla doi giates viziedes,
dla salvera Minili cun si pitli Brodl y
Pico, dl mënder Pitl Pulesc, dla giata
amaleda Mali Mali y de mo d’ autri
mins vën cuntedes dal pont d’ ududa di
giac y dal pont d’ ududa dla persona.
Co la pënsa pa i giac n cont dl strënjer
y co l vëij pa la persona? Co manejea
pa i giac i stritoc danter ëi? Ciuldì rata
pa la persona che i giac ne rejone nia?
Ciun defec dla persona ti desturba pa ai
giac? Se sënt pa n giat sëul y tralascià
canche la patrona se n va? Co plura pa
la persona la mort de n giat?
De tel dumandes y mo d’ autres nes
unirà stlarides da chisc giac y dala
patrona.
Rut