Cun n open call él gnü scrit fora da elaboré trëi tesć che rapresentëia y influenzëia da cotan de tëmp incá fenomens soziai desfarënc (la patria, l'amur, la religiun). Mëte en discusciun chisc fenomens cun mesi leterars ó ince dí se damané tan inant che chëstes tematiches sides o pois ester ciamó atuales. N gran numer de auturies y auturs á tut sö l'invit da fá chësc esperimënt ti jon pormez te manires dër desfarëntes ai tesć te indöt cin' lingac. En les sabedes danmisdé gnarál presenté tla Teßmann trëi adatamënc por vigni test de partënza y spo nen gnarál baié te mëses torones pro n bun café y brioches.

Ai 7 de setëmber gnarál presenté i tesć adatá de Katja Renzler, Leah Maria Huber y Helga Maria Gorfer che á trat en toc te formes desvalies le test dla ciantia dla Marcia alpinistica de Balsan Wohl ist die Welt so groß und weit (Karl Felderer, 1926), che é n pü' l'inn nia ofizial dl Südtirol. Co pón/desson/mësson pa scrí aldedaincö dla patria?